Herritartasun Globalerako Hezkuntza Eraldatzailea izan da beti Hezkuntzaren aldeko Munduko Kanpainaren lan-ardatz nagusia, gure sarearen helburuak eta estrategia markatzen dituen esparrua izateaz gain. Herritartasun konprometitua, inklusiboa, aktiboa, informatua eta kritikoa eraikitzeko tresna da. Bestalde, 2030 Agenda betetzen laguntzeko instrumentu bat da.
Hezkuntzaren aldeko Munduko Ekintza Astea (SAME) Hezkuntzaren aldeko Munduko Kanpainaren jarduera esanguratsuenetako bat da; PERTSONA GUZTIEN HEZKUNTZA ESKUBIDEA defendatzen duen nazioarteko koalizioa da. Urtero bezala, 4. GJHaren inguruan lanean jarraitzen dugu: «Guztientzako hezkuntza inklusiboa, bidezkoa eta kalitatezkoa bermatzea eta bizitza osoko ikaskuntza-aukerak sustatzea». Gainera, 16. GJHak gizarte baketsu eta inklusiboak sortzearen garrantzia nabarmentzen du; 11. GJHak hiri seguru eta jasangarriak bilatzen ditu eta 5. GJH inoiz baino beharrezkoagoa da larrialdi-egoeretan hezkuntzarako sarbidean dagoen desberdintasunagatik, batez ere neska eta emakumeentzat.
Hezkuntzaren aldeko Munduko Ekintza Astea (SAME) aste bat da, non 4. GJHa bermatzeko lanean ari garen 124 herrialdek baino gehiagok mobilizatzen garen hezkuntza-komunitatearen, komunikabideen, gizartearen oro har eta, bereziki, ordezkari politikoen arreta erakartzeko, munduko pertsona guztientzako kalitatezko hezkuntzarako eskubidea, 2030 Agendaren barruan kokatua, erreala eta eraginkorra izan dadin.
Aurten, 2026ko SAMEk LARRIALDI TESTUINGURUETAKO HEZKUNTZA DIGITALA jarri du ardatz nagusitzat.
Gaur egun, mundu osoko 75 milioi neska-mutil baino gehiagok ikusi dute beren hezkuntza etenda gatazken, natura-hondamendien eta bestelako krisi humanitarioen ondorioz. Larrialdi horiek haurrei ikasteko eskubidea kentzeaz gain, haien etorkizuna eta komunitateen garapena ere arriskuan jartzen dituzte.
Hala ere, hezkuntza ez da oinarrizko eskubide bat soilik; aldaketarako tresna bat da:
– Haurrak babesten ditu krisi-testuinguruetan, egonkortasuna eta segurtasuna eskainiz.
– Pobrezia-zikloak apurtzen ditu, etorkizun bidezkoago eta ekitatiboago baterako aukerak zabalduz.
– Gizarte baketsuagoak eta erresilienteagoak eraikitzen ditu, berdintasuna eta elkarrekiko errespetua sustatuz.
Zure esku jartzen ditugu hezkuntzarako eskubidea bermatzearen garrantziaz sentsibilizatzeko eta kontzientziatzeko material hauek.
Klik egin horietako bakoitzean unitate didaktikoak deskargatu eta lantzeko.
CME nazioarteko koalizio bat da, 2000. urtean sortua, herritarrak Hezkuntzarako Eskubidearen bozeramaile eta aktibista gisa sentsibilizatzeko eta mobilizatzeko, eta ordezkari politikoengan eragiteko, hezkuntzarako eskubidearekin dituzten konpromisoak bete ditzaten.
Gobernuz kanpoko erakundeek, hezkuntza-inguruko sindikatuek, ikastetxeek eta hainbat motatako gizarte-mugimenduek osatzen dute. Mobilizatu egiten gara Estatuek sinatutako nazioarteko konpromisoak osorik bete ditzatela eskatzeko, pertsona guztientzako kalitatezko hezkuntzarako sarbidea bermatzeko. Gainera, irakaskuntzako hamaika erakunde eta sindikatu dira CMEko kide: Alboan Fundazioa, CCOO irakaskuntza, Plena Inclusión España, FERE Ikastetxe Katolikoak, UGT FETE Irakaskuntza, Bakerako Kulturaren aldeko Fundazioa, Intered, Haurrentzako Proiektu Solidarioaren Fundazioa, SCOUTS Federazioa, Espainiako ASDE Esploratzaileak eta STES Konfederazio Intersindikala.
Kanpaina honekin genero-desberdintasuneko egoerak ezagutu, hausnartu, zalantzan jarri eta horien aurrean aktibatu nahi dugu, eta herritartasun globalerako hezkuntza lehenetsi, gizarte bidezkoago eta ekitatiboago baten indar eraldatzailea eta eraikitzailea balioetsiz.
